سلام الله على مكـة وطيبـة والغديـة نجـد                    سلام الله على الدمام يوصل ليا بحـر  جـدة سلام الله على عرعر وحد الجوف وآخرحد                    سلام الله على نجران واللي من ورى حده سلام الله على اللي قد ولاها بأربعيـن الجنـد                  على صقر الجزيرة من شعوري خاطر  قـده ولاها يوم وقت السرج هـو الرمـح ومهنـد                   زمان بيح العـارض كنينـه وانبـرى سـده سلام الله سلام جيت أمـده فـي يمنـى مـد                    بعد ماقال هاجوس المثايـل مـن غـلا  وده باسم كل الخوالـد لابتـي ومعربيـن  الجـد                  سلايل هبس وحزامي ودرع الجنب في  الشده وهلا يا مرحبا ترحيبة مـن زعفـران ونـد                      بفيصلنـا ولـد بنـدر بكاديهـا مـع نــده هلا يا مرحبا بك يا حفيـد المملكـة والمجـد                  هلا يا مرحبا كبر البحر والمـوج فـي مـده تراحيب المطر والربيـع الأخضـر  الممتـد                    تشابه مع خطوط الطول هي والعرض ممتـدة هلا بك يا حفيـد الملـك والحكـام وموحـد                     هلا بك والقلوب تزيـد بالتراحيـب  وتـرده عليك نسوق فنجـال الغـلا ياميـر  ومقتـد                      تفضل واطرد عماس الزمان ووصلـه حـده وهلا يا مرحبا بك يا لأمير الفيصلـي  القـد                    هلا باللي غلاه من الجدود ومن غـلا  جـده هلا يا فيصل المشعل تحية من هنـا  وأبعـد                     من حددوا السحاب اللي يلوح البرق في خـده ووطنا يا وطنا لـو عيـون الحاسديـن تلـد                   ترى ماللحسود إلا علـى عليـاه مـع  خـده وطنا سر غلاك تزود ماينقـص علينـا بنـد                     وواجبنا طريق أهل الخزي ننصـاه  ونسـده تريح يا وطنا في يدين أهل الشـرف والجـد                     سلاطين الزمان اللي تهيـن الضـد وتضـده تحت رأي أبو متعب وسلطان الوفـا والعهـد                   وطنا شامـخ فـوق البسيطـة ماحـد  قـده واللي منك بديت الفسد والإفسـاد يـا لمفسـد                        تخاوى مع طريق إبليـس والشيطـان يانـده تجي كنك يهودي من ورى حيفا وصحراء اللد                         تعيش بفكر صهيوني ونفس الشـوف لا لـده خزاك الله هذي يا عميـل الشـر لعنـة جـد                    ماهي بإرهاب يالخاين تجي للقصـر  وتهـده ترى مانحسب حسابك ولا يا لمعتـدي  تنعـد                        ولا بالوقت مـن يذكـر عـدد يمكـن نعـده وهلا يا مرحبا ترحيبة مـن زعفـران ونـد                        بكـل حضورنـا الليلـة بكاديهـا مـع نـده باسم كل الخوالـد لابتـي ومعربيـن  الجـد                       سلايل هبس وحزامي ودرع الجنب في  الشدة

حقوق النسخ © بواسطة . جميع الحقوق محفوظة. بلدة حنيظل بمحافظة الأسياح جميع الحقوق محفوظة.

نشرت بتاريخ: 2007-06-17 (6510 قراءة)